Հայաստանի ամերիկյան համալսարանը կազմակերպում է 2014-2015 ուսումնական տարվա բակալավրի կրթական ծրագրին նվիրված իր վերջին «Բաց դռների օր» միջոցառումը

Անգլերենի շաբաթ

Հունվարի  21, 22, 23, 2014 թ.,տեղի ունեցավ մասնագիտական կողմնորոշման շաբաթ անգլերենի  ՄՄ մասնակցությամբ:  Միջոցառմանը մասնակցում էին N 198, 186, 197 դպրոցի 9րդ դասարանների աշակերտները:

1 օր ` Ծանոթություն, հետաքրքրաշարժ թեստ’’ Տեսողական խաբկանք’’ , անցած տոներ` Ամանորը տարբեր երկրներում /ppt/, Happy New Year երգի ունկնդրում, բառային աշխատանք, կարաոկե կատարում:

Աշխատանքը ընդհանուր էր:Բոլորը ակտիվ մասնակցում էին:

2 օր` Անգլիախոս երկրներ.ա/The UK/ppt/, London /ppt/, աշխատանք տեքստի հետ:

Աշակերտները կազմեցին խմբեր և պատասխանեցին թեմաըին վերաբերվող հարցերին:

3 օր`բ/ ԱՄՆ,Ավստրալիա, Կանադա/ppt/ աշխատանք տեքստի հետ, գտնել հարցերի պատասխանները, միացնել խաթարված նախադասությունները, լուծել խաչբառը: Երրորդ օրվա վերջում երեխաները մասնակցեցին վիկտորինային, որը ընդգրկում էր հարցեր 3  օրվա նյութերից:

Աշխատանքը դարձյալ խմբային էր:Աշակերտները մասնակցում էին մեծ հաճույքով և հետաքրքրությամբ: 

Վերջում մասնակիցները ստացան վկայականներ: 

 

Շնորհավոր տոնդ, Հայո՛ց ազգային բանակ

    Երևանի N 198 ավագ դպրոցում նշվում էր հայոց ազգային բանակի 22- ամյակը:
Դպրոցի հյուրերն էին Վ. Սարգսյանի անվան ռազմական ինստիտուտի գնդապետ պրն. Խաչատրյանը,Նոր Նորք համայնքի թաղապետարանի կրթության բաժնի ներկայացուցիչ տիկին Խուրշուդյանը, և ամենատարեց մահապարտ Սպարտակ Մաթևոսյանը , ովքեր իրենց  շնորհավորանքի խոսքերն ուղղեցին միջոցառման մասնակիցներին, կազմակերպիչներին, հրավիրված մարդկանց:

Ապագա զինվորներին  հղված նրանց պատգամը մեկն էր՝  լավ սովորել, զինվել հարուստ գիտելիքներով, որպեսզի  կարողանան դառնալ վաղվա օրը  կառուցող, հայրենիքի արժանի քաղաքացի  և նվիրյալ պաշտպան -զինվոր:

   Աշակերտներին շնորհավորեց և իր ողջույնի խոսքը հղեց նաև պարոն Թորոսյանը: Նա նշեց, որ հայոց բանակի ապագա զինվորները, ովքեր սովորում են   մեր   դպրոցում  և հայոց զինվորի առաջին դասերը այստեղ ստանում, աչքի են ընկնում իրենց աշխատասիրությամբ, մեծ եռանդով, որի ապացույցը այօրվա գեղեցիկ և կազմակերպված միջոցառումն է: Դպրոցի աշակերտներին հանձնարարված էր պատրաստել պաստառներ , որոնք ներկայացնում են մեր ազգային բանակի կառուցվածքը  և ստեղծման       պատմությունը: Պաստառների վրա  ամբողջականորեն ներկայացված էր այն ամբողջ համակարգը, ինչը կապված է հայոց բանակի հետ. ներկայացված էին նաև արցախյան հերոսամարտի նվիրյալները՝  մահապարտների ջոկատը, սպարապետ Վազգեն Սարգսյանի գլխավորությամբ:                             




Աշակերտները ներկայացրեցին գունագեղ պաստառները:Միջոցառումը համեմված էր գեղեցիկ երգ ու պարով:

 

 

Հայրենիքի պաշտպանությունը ,իհարկե, ամբողջ  ժողովրդի  պարտականությունն է, բայց առանձնահատուկ պարտականույունն ու  դերը,անշուշտ,երկրի զինված ուժերինն է:Ահա ինչու Հայաստանի Հանրապետության յուրաքանչյուր քաղաքացու սրբազան պարտքն է օրենքով սահմանված կարգով ծառայել հայրենիքի զինված ուժերում:

 

Զրույց բանակի օրվան նվիրված

198 ավագ դպրոցում տեղի ունեցավ հանդիպում Վազգեն Սարգսյանի անվ. ռազմական ինստիտուտի գնդապետ պրն. Խաչատրյանի հետ: Հանդիպումը կայացավ 11-րդ դասարանի աշակերտների հետ: Հանդիպման ընթացքում ներկայացվեց Հայոց ազգային բանակի ձեռքբերումների մասին, պատասխանեց աշակերտների հուզող հարցերին: Զրույցն ընթացավ մտերմիկ միջավայրում, շակերտները մեծ ոգևորությամբ մասնակցեցին  հարց ու պատասխանին :

Սանկտ-Պետերբուրգի պետական համալսարանի կողմից անցկացվող դպրոցական օլիմպիադա

     

      2014թ-ի հունվարի 24-ին N 29 դպրոցում անկացվեց դպրոցական օլիմպիադա, որին  քիմիա, մաթեմատիկա և պատմություն առարկաներից մասնակցեցին նաև N 198 ավագ դպրոցի աշակերտներ՝ Աննա Ճաղարյանը 12-3 դասարան, Նելլի Պրազյան 10-1  դասարան և Անուշ Օհանյան 12-3 դասարան:

Սեմինար <Նոր նյութի հաղորդման մթոդներ բնագիտական առարկաների դասավանդման ժամանակ>:

Սեմինարը տեղի կունենա 2014 թվականի հունվարի 24-ին, ժամը 14-30-ին Երևանի 198 ավագ դպրոցում:

ՀԱՅՏԱՐԱՐՈՒԹՅՈՒՆ

Հունվարի 29-ին 

դպրոցում տեղի կունենա ԲԱՆԱԿԻ ՕՐՎԱՆ նվիրված միջոցառում, 

որի ընթացքում աշակերտները կներկայացնեն 

Հայոց բանակի պատմությունը: