2013թ-ի սեպտեմբեր ամսից Երևանի թիվ 198 ավագ դպրոցում կազմակերպվեց Հայոց պատմության խմբակ՝ ավագ դպրոցի աշակերտների համար, որի նպատակն է աշակերտների հետ նախագծի միջոցով ուսումնասիրել հայոց ցեղասպանության մանրամասները արևմտյան Հայասատանի բնակավայրերում: Նպատակներից մեկն էր նաև, բացատրել աշակերտներին, թե ինչ տարածքներ և ինչ հարստություն ենք մենք կորցրել, որը մեր պապերի թողած ժառանգությունն է մեզ, և որին մենք պետք է պահանջատեր լինենք:
Խմբակը վարում է դպրոցի ուսումնադաստիարակչական գծով տնօրենի տեղակալ և պատմության ուսուցիչ Ս.Խաչատրյանը:Յուրաքանչյուր աշակերտ ընտրում է արևմտյան Հայաստանի մեկ բնակավայր, հավաքում է տեղեկություններ այդ բնակավայրերի հիմնադրման, տնտեսական, մշակույթային և քաղաքական կյանքի, հայտի դեպքերի և իրադարձությունների, հայտնի և նշանավոր մարդկանց, կոտորածների և այսօրվա իրավիճակի մասին:
Խմբակը վարվում է նաև օնլայն տարբերակով, որտեղ աշակերտները ուսուցչի հետ շփվում են, տեղադրում են նյութեր, ինչպես նաև տալիս իրենց հուզող հարցերը: Դրա համար armedu.am կայքի ֆորում բաժնում ստեղծվել է տարածք՝ խմբակի գործունեության համար:
2013թ-ի հոկտեմվերի 17-ին Երևանի 198 ավագ դպրոցի Հայոց պատմության խմբակի աշակերտները իրենց խմբակի թեմայի շրջանակներում այցելեցին Ցեղասպանության թանգարան, որի նպատակն էր հավաքել անհրաժեշտ նյութեր իրենց թեմաների մշակման համար:Մինչև թանգարան մտնելը աշակերտները այցելեցին Ծիծեռնակաբերդի ցեղասպանության զոհերին նվիրված հուշարձան և ծաղիկներ դրեցին անմար կրակի մոտ՝ հարգելով ամնեղ զոհերի հիշատակը:
Թանգարանի փոխտնօրեն Արփինե Բաբլումյանը մեծ ուրախությամբ ընդունեց աշակերտներին, ողջունելով նրանց նախաձեռնությունը, և պատրաստակամություն հայտնեց աջակցել աշակերտներին իրենց նախագծում, թե նյութերի տրամադրմամբ, և թե անհրաժեշտ գրականության ցանկով:
No comments:
Post a Comment