Սեմինար << ՏՀՏ-ի կիրառումը դասապրոցեսում>> թեմայով:

2013 թվականի դեկտեմբերի 5-ին դպրոցում կազմակերպվեց սեմինար <ՏՀՏ օգտագործումը բնագիտության դասերին> թեմայով: Մասնակցում էին 198, 166 և 186 դպրոցների բնագիտության ուսուցիչները: Սեմինարի ընթացքում ներկայացվեց համակարգիչների օգնությամբ ուսուցման գործընթացի կազմակերպման մեթոդներ:

Արտաքին ստուգում ԳԹԿ-ի կողմից:

     2013թ-ի  նոյեմբերի  ԳԹԿ-ի կողմից կատարվեց գիտելիքների ստուգում 10-րդ դասարանների բնագիտամաթեմատիկական հոսքերում: Անցկացվեցին գրավոր աշխատանքներ քիմիա և ֆիզիկա առարկաներից:
 

Վիկտորինա << Հայոց պատմություն >> առարկայից :

      2013թ-ի դեկտեմբերի 6-ին  Երևանի N 198 ավագ դպրոցում   անցկացվեց առարկայական  մրցույթ հայոց պատմություն առարկայից, որը կազմակերպվել էր 7-րդ դասարանների միջև պատմության ուսուցիչներ Լ.Գրիգորյանի և Ա.Ասլիբեկյանի կողմից :Մրցույթի  հիմնական  նպատակն էր երեխաների մոտ  մեծացնել  հետաքրքրությունը   պատմություն առարկայի նկատմամբ, ընդլայնել   համագործակցության  շրջանակները  7րդ    դասարանցիների միջև: 

      Առարկայական մրցույթը  տեղի  ունեցավ  երեք   փուլով՝ խմբերը  կազմվել  էին նախօրոք:

Առաջին  փուլում  խմբի  ավագները  ներկայացրեցին  իրենց խմբի անդամներին՝ առանձնացնելով  նրանցից  յուրաքանչյուրի հետաքրքրությունները  և  հմտությունները:

Երկրորդ  փուլում   խմբի  անդամները  ներկայացրեցին  իրենց  պատրաստած  պաստառների  (պաստառները   անվանակոչված էին՝Արշակունիներ,Արտաշեսյաններ,Մեծ Հայքի թագավորություն,Կիլիկիա ) բովանդակությունը:

Երրորդ  փուլում  հնչեցվեցին  5  հարցեր, որոնց  տրվեց  մտորելու 5-ական րոպե. յուրաքանչյուր  խմբին  հնարավորություն  տրվեց    յուրովի    պատասխանելու  տրված հարցերին:
   Մրցույթը   ամփոփվեց   քառաբաժան  մեթոդով  1- ին   խումբ  ի՞նչ տեսավ, 2-րդ խումբ ի՞նչ զգաց, 3-րդ խումբ  ի՞նչ լսեց, 4-րդ  խումբ  ի՞նչ  նոր  բան   սովորեց: Ավարտին ժյուրին ամփոփեց արդյունքները և  հաղթող  ճանաչվեց Արշակունիներ  թիմը:  

Սեմինար ''Արդյունավետ շփում'' թեմայով

        Ժողովրդավարություն և մարդու իրավունքների կրթություն

                                Սեմինար <<Արդյունավետ շփում >>թեմայով:

       04.12.2013թ երևանի 198 ավագ դպրոցում անցկացվեց սեմինար դասղեկների համար:Սեմինարին մասնակցում էին 7-12 դասարանների դասղեկները:Սեմինարը վարում էր Կրթության ազգային ինստիտուտի կրթության և դաստիարակության բաժնի մասնագետ՝ Ա. Իվանյանը:Սեմինարը  <<Արդյունավետ շփում>>թեմայով էր:Սեմինարի ընթացքում քննարկվեց դասղեկների և աշակերտների լսելի սահմանների մասին՝անցկացվեց թեստ որի նպատակն էր պարզել թե մեր ունեցած<< 4 ականջներից>> որոնք են զարգացած:Կատարվեց արդյունքների վերլուծություն:Կազմակերպվեց դերախաղ ՝որի նպատակն էր ներկայացնել հասարակության մեջ եղած խտրականությունը:
Սեմինարի ուսումնական նյութերը <<Կողմնացույց ձեռնարկից էին:Բոլոր դասղեկները մեծ ոգևորվածությամբ մասնակցեցին սեմինարին: Սեմինարը շատ ուսուցանող էր և  դասղեկները ձեռք բերեցին բավականին շատ հմտություններ ևաշխատանքը հետաքրքիր դարձնող հնարքներ:

Դասալսում ֆիզիկա առարկայից

ՈՒսուցիչ` Լ. Թորոսյան

Թեմա` <<Ատոմի ֆիզիկա>>

Դասարանը`12-5 (հումանիտար հոսք)

Մեթոդը `ուղեկցող ընթերցանություն

Դասն ամբողջությամբ նվիրված էր նոր նյութի հաղորդմանը:                                                        Խթանման փուլ`Դասի խթանման փուլում մտագրոհի միջոցով գրատախտակին գրվեց այն ամենը, ինչ գիտեն աշակերտներն <<Ատոմի ֆիզիկա>> թեմայից:

Իմաստի ընկալման փուլ` Այնուհետև աշակերտներին բաժանվեց ուսումնասիրվող նյութը: Այն բաղկացած էր 3 մասից` Ատոմի կառուցվածքը, Բորի կանխադրույթները և Ատոմի միջուկի կառուցվածքը: Յուրաքանչյուր հատվածի ուսումնասիրման համար տրվեց 5-7 րոպե ժամանակ:

Կշռադատման փուլ`Նյութը յուրացնելուց հետո աշակերտները պատասխանեցին պրեզենտացիայի հարցերին, որն ամփոփված էր փոքրիկ առաջադրանքով: Ամեն խմբից մեկական աշակերտ ամփոփեց տրված նյութը: Վերջում ուսուցիչն անդրադարձավ խթանման փուլում գրանցված մտքերին և կատարեց թեմայի ամփոփում: 

  

ՔՄԶԿԳՄ օգտագործումը դասի ընթացքում

   

2013թ-ի նոյեմների 18-ին Երևանի Վ. Բրյուսովի անվան պետական լեզվաբանական համալսարանի  մագիստրատուրայի առաջին կուրսի ուսանողները ներկա   գտնվեցին հայոց լեզվի,  կենսաբանության  և ռուսաց լեզվի      դասերին  «ժամանակակից մեթոդների  օգտագործման  դիտարկման նպատակով»: Ուսանողները  տպավորված էին  դասի   ընթացքում  ուսուցիչների կողմից  մեթոդների օգտագործման վարպետությունից   աշակերտ-ուսուցիչ  հարաբերությունների  ճիշտ  ձևավորումից,  դասի երեխայակենտրոն  դասապրոցեսի  կառուցումից:

                                       

ԴԱՍԻ ՊԼԱՆ

Ուսուցիչ` Վարդիթեր Հարությունյան

Ամսաթիվ` 28 նոյեմբերի

Դասրանը` 10-3

Առարկան` հայ գրականություն

Դասի թեման` Վարդան Այգեկցու կյանքը, ստեղծագործության ընդհանուր բնութագիրը, առակները:

Դասի նպատակները`

·         Աշակերտները պետք է իմանան` ինչ է առակը, Այգեկցու կյանքի հիմնական փաստերը, կարողանան ներկայացնել ստեղծագործության ընդհանուր բնութագիրը:

·         Կարողանան տալ առակի բնութագիրը, ներկայացնել առակների բարոյախոսությունը:

·         Զարգացնել վերլուծական կարողություններ, միմյանց լսելու, օգնելու, խրախուսելու, արդյունավետ շփվելու հմտություններ:

Խթանման փուլ` Մտքերի տարափ`   առակ:

Շրջանակի մեջ գրվում է <<առակ>> բառը, աշակերտներն ասում են այդ բառի հետ կապված բառեր, որոնք գրվում են շրջանակից դուրս եկած ճառագայթների վրա: Այնուհետև աշակերտները, օգտագործելով ճառագայթների վրա գրված բոլոր բառերը, տալիս են առակի սահմանումը: /երեք րոպե/

Իմաստի ընկալման փուլ`

 ա/ հինգրոպեանոց դասախոսություն`Այգեկցու կյանքն ու ստեղծագործության ընդհանուր բնութագիրը: /հինգ րոպե/

բ/ Խճանկար/Ջիգսո/: Դասարանը բաժանվում է չորս մայր խմբի, յուրաքանչյուր խմբի տրվում է մեկ առակ/,<<Իմաստուն զինվորը>>, <<Իշխան և այրի կին>>, <<Եզն ու ձին>>, <<Այծերն ու գայլերը>>/,: Աշակերտները մայր խմբերում կարդում, սովորում են առակը, պատմում են միմյանց, վեր են հանում նրա բարոյախոսությունը և մտածում են, թե ինչպես ներկայացնեն առակի գաղափարը /բեմադրություն, երգ, առած-ասացվածք, նկարել և այլն/: /տասը  րոպե/

Դրանից հետո կազմվում են փորձագիտական խմբերը, այսինքն` յուրաքանչյուր խմբից մեկական աշակերտ միանում  և կազմում են նոր խումբ`փորձագիտական: Այս խմբերում յուրաքանչյուր աշակերտ խմբի մյուս անդամներին սովորեցնում է մայր խմբում սովորած առակը և նրա բարոյախոսությունը: Այնուհետև աշակերտները վերադառնում են մայր խմբերը: /տասը րոպե/

Այժմ ամեն մի խմբին տրվում է երեք ռոպե ժամանակ` ներկայացնելու իրենց սովորած առակը, նրա բարոյախոսությունը;

Աշակերտներից մեկը ընտրվում է իբրև Այգեկցի` գնահատելու համար խմբերի աշխատանքը:

Ուսուցիչը գնահատում է նախապես ընտրված աշակերտներին կամ լավագույն պատասխանները /ինչպես հարմար է գտնում/:

Կշռադատման փուլ`

 Հանձնարարել հորինել առակ` սովորած առակներից որևէ մեկի բարոյախոսությամբ: /հինգ րոպե/  Նույն աշխատանքը հանձնարարել կատարելու տանը:

                        Դասի պլան

Ուսուցչի անունը'ՍիրունյանԶ.  Դասարան'11-3

Ամիս,ամսաթիվ 28.11.2013 դասի տևողությունը'45րոպե

Առարկա'Կենսաբանություն

Թեմա'Գերդոմինանտություն,խնդիրների լուծում

Դասի նպատակը.

Ա.ակադեմիական-կարողանան լուծել խնդիրներ գերդոմինանտության վերաբերյալ:Գիտելիքներն ամրապնդել խնդիրների լուծումով:

Բ.սոցիալական-միմյանց օգնել արդյունավետ համագործակցելու,ընկերոջ և իր աշխատանքը գնահատելու հմտությունների ձևավորում:

	Ժամանակի բաշխումը	Ուսուցչի գործունեությունը	Աշակերտի գործունեությունը	Ուսումնական նյութեր և մեթոդներ
Ներածություն Խթանման փուլ	1րոպե 5 րոպե	Կիրառվում է պրիզմայի մեթոդը: Գրատախտակին գրվում է <ժառանգականություն>բառը:Ինչ ասոցիացիաներ է առաջացնում այս բառը<երկու միտք,գրում են գրատախտակին,ապա գրվում են հաջորդ մտքերը ևկազմում են պրիզմա,ապա խմբավորում են և ընտրվում այն առանցքային մտքերը,որոնց վրա կառուցվել է նյութը:	Պատասխանում են տրված հարցերի	Պրիզմա
Իմաստի Ընկալման փուլ	15 րոպե	.Ձևավորվում են 3 հոգուց կազմված խմբեր,խմբերը ձևավորվում են 1-ից 3 հաշվելով: .Խմբերից յուրաքանչյուրին հանձնարարվում է 3 ական խնդիր	Յուրաքանչյուր խումբ աշխատում է իր խնդիրների լուծումով:Խմբի բոլոր անդամները քննարկում են խնդիրները,լուծում են իրենց խմբի խնդիրները:
Կշռադատման փուլ	15 րոպե	Յուրաքանչյուր խմբից մեկ ը'3-րդ համարը ներկայացնելու է իր խմբի աշխատանքը	Յուրաքանչյուր խմբից մեկ անդամ գրատախտակի վրա ներկայացնում է իր կատարած աշխատանքը,մյուս խմբերը հետևում են աշխատանքին :
Գնահատում	5 րոպե	Գնահատվում են գրատախտակի մոտ աշխատող աշակերտը	Յուրաքանչյուր խումբ գնահատում է իր և մյուս խմբերի աշխատանքը
Անդրադարձ	4րոպե	Քանի խնդիր լուծեցինք,ինչ սովորեցինք	Տնային հանձնարարություն-կազմել 3խնդիր գերդոմինանտության վերաբերյալ:

Ոսկե Աշուն

Նոյեմբերի 29-ին 198 ավագ դպրոցում տեղի ունեցավ ավանդույթ դարձած «Ոսկե Աշուն» խորագրով միջոցառում: Մասնակցում էին 7-9-րդ դասարաների աշակերտները: Յուրաքանչյուր դասարանին հատկացված էր մեկ սեղան և հարմար անկյուն  և երեխաները ներկայացրեցին  իրենց ձեռքով և երևակայությամբ պատրաստած  պաստառները  և կոլաժները, ներկայացան նաև Հայաստանի տարբեր մարզերին բնորոշ տոնակատարությամբ :
7-1,7-2 դասարաններին հանձնարարված էր ներկայացնել Արցախին հատուկ տոնակատարությունը ,8-րդ դասարանին հանձնարարված էր Արարատի մարզը, 9-1 -ին Լոռին, 9-2 -ին Տավուշը: Բոլորն էլ իրենց հանձնարարությունը կատարեցվին գերազանց այդ մարզին բնորոշ ավանդույթներով, հետո նոր ներկայացան գեղարվեստական համարներով` աշնան գույների պես վառ ու գունավոր: Միջոցառմանը ներկ աէին դպրոցի փոխտնօրենները, ուսուցիչները ինչպես նաև ծնողները: