ՖԻԼՄԻ ԴԻՏՈՒՄ ՆԱՐԵԿԱՑԻ ԿԵՆՏՐՈՆՈՒՄ

                                           

Երևանի N 198 ավագ դպրոցի բնագիտական հոսքի աշակերտները կենդանաբանական այգու հրավերով ապրիլի 9-ին դիտեցին ֆիլմ Նարեկացի կենտրոնում: Ֆիլմը նկարահանել էին <<ԱՐԵՎՈՐԴԻ>> կազմակերպության սաները, ցուցադրությունը կազմակերպել էր Երևանի կենդանաբանական այգին:     Ֆիլմը , որը <<Շրջակա միջավայրի աղտոտում >> խորագիրն էր կրում, նպատակ ուներ հանրության գիտակցությանը հասցնելու թեմայի հրատապությունն  ու կարևորությունը: Ֆիլմի ընթացքում սաները փորձել էին փաստերի, օրինակների միջոցով ներկայացնել աղտոտման մակարդակը Հայաստանում:

ԹՌՉՆԱԲՆԵՐԻ ՄՐՑՈՒՅԹ 198 ԱՎԱԳ ԴՊՐՈՑՈՒՄ

                                       

            Երևանի N198 ավագ դպրոցի կենսաբանության խմբակի աշակերտները Երևանի կենդանաբանական այգու հետ համագործակցության շրջանակներում մասնակցեցին ապրիլի 5- ին այգում կազմակերված թռչնաբների պատրաստման մրցույթին:  Ըստ մրցույթի կանոնների մասնակից խմբերը իրենց ներկայացրած նյութերով տեղում պետք է պատրաստեին այլնտրանքային թռչնաբներ:

            Երևանի N 198 –ի բնագետները օգտագործեցին  թափոն հանդիսացող պլաստիկ տարաները և ստացան այլընտրանքային թռչնաբներ: Միջոցառման ընթացքում անցկացվեց նաև թռչունների վերաբերյալ բլից հարցերի մրցույթ, որտեղ մեր դպրոցի սաները աչքի ընկան իրենց կենսաբանական գիտելիքներով և ստացան հուշ մրցանակներ:

                                                                              

                                                                            

ՀԱՅԿԱԿԱՆ ԷՆԴԵՄԻԿ ԿԵՆԴԱՆԱՏԵՍԱԿՆԵՐԻ ՊԱՀՊԱՆՈՒԹՅՈՒՆԸ

ՀԱՅԿԱԿԱՆ ԷՆԴԵՄԻԿ ԿԵՆԴԱՆԱՏԵՍԱԿՆԵՐԻ ՊԱՀՊԱՆՈՒԹՅՈՒՆԸ

  Քեմբրիջի Գիտությունների Փառատոն մրցույթին մասնակցելու հանար մասնակիցները պետք է ներկայացնեին բնապահպանական որևէ խնդիր: Երևանի N198 ավագ դպրոցը մրցույթին ներկայացավ <<ՀԱՅԿԱԿԱՆ ԷՆԴԵՄԻԿ ԿԵՆԴԱՆԱՏԵՍԱԿՆԵՐԻ ՊԱՀՊԱՆՈՒԹՅՈՒՆԸ>>  թեմայով:Աշխատանքներն սկսելուց առաջ դպրոցի 10-րդ դասարանի բնագիտական հոսքի աշակերտները  այցելեցին Երևանի կենդանաբանական այգի, այգու աշխատակցի ուղեկցությամբ շրջեցին այգում, ծանոթացան այգու էնդեմիկ կենդանատեսակներին  և նրանց  թվաքանակի հետ կապված խնդիրներին: Հայկական էնդեմիկներից մուֆլոնը, անգղերի որոշ տեսակներ, բեզոարյան այծը և այլ կենդանատեսակներ գրանցված են հայկական կարմիր գրքում:Պատանի բնագետները իրենց հետազոտական աշխատանքների շնորհիվ պարզեցին նշված կենդանատեսակմների կարմիր գրքում  հայտնվելու պատճառները և փորձեցին յուրովի լուծում տալ կարևորագույն այդ  հիմնախնդրին : Երեխաները ձեռնամու եղան բնակչության էկոլոգիական կրթությանը: այդ նպատակով պատրաստեցին բուկլետներ,որում նկարագրված էին հայկական էնդեմիկները, մարդկային գործոնի ազդեցությունը նրանց  թվաքանակի վրա և այդ խնդրի  լուծմանն ուղղված հիմնական կետերը: Բնագետները կազմակերպեցին յուրօրինակ  ակցիա: Նրանք բաժանեցին բուկլետները պատահական անցորդներին, այգու այցելունեին, աշակերտներին, ծնողներին, ամենատարբեր մասնագիտության տեր մարդկանց, բացատրեցին  ակցիայի կազմակերպման նպատակը:  Կենսաբանության խմբակի սաները խմբակի ղեկավարի գլխավորությամբ կազմակերպեցին նաև սեմինարներ ծնողների հետ: Մրցույթին մասնակցելու համար աշխատանքները  ներկայցվեցին  շնորհանդեսի և փոքրիկ ֆիլմի տեսքով::

  

Սեմինար <ԷՆԴԵՄԻԿ ԿԵՆԴԱՆԱՏԵՍԱԿՆԵՐԻ ՊԱՀՊԱՆՈԻԹՅՈՒՆԸ > թեմայով

     

          Մարտի 20-ին 198 ավագ դպրոցում կազմակերպվեց սեմինար  <<ԷՆԴԵՄԻԿ ԿԵՆԴԱՆԱՏԵՍԱԿՆԵՐԻ ՊԱՀՊԱՆՈԻԹՅՈՒՆԸ >> թեմայով: Սեմինարի նպատակն էր ներկա գտնվողներին ներկայացնել Գիտության փառատոնի շրջանակներում կենսաբանության խմբակի սաների կատարած աշխատանքները: Սեմինարի սկզբում խմբակի ղեկավարը ներկայացրեց խմբակի սաներին , նրանց իրականացրած նախագծերը 2013-2014 ուս տարում, ինչպես նաև ներկայացրեց Գիտության փառատոն մրցույթի շրջանակներչում երեխաների գործունեությունը: աշխատանքներն սկսելուց առաջ խմբակի մասնակիցները նախ այցելեցին այգի, ծանոթացան այգու էնդեմիկ կենդանատեսակներին, այգու աշխատակիցների հետ քննարկեցին կարմիր գրքում գրանցված կենդանատեսակները, նրանց  թվաքանակի նվազման պատճառներն ու  այդ հիմնախնդրի լուծմանն ուղղված աշխատանքները: Հայկական էնդեմիկների պահպանությանն էր ուղղված նաև 198 ականների կազմակերպած ակցիան, որի հիմնական նպատակը բնակչության էկոլոգիական կրթության սերմանումն ու ամրապնդումն էր: Ակցիայի շրջանակներում կազմակերպվեցին  շրջայցեր, որոնց ընթացքում խմբակի սաները  բաժանեցին բուկլետներ, բացատրեցին այցելուներին հայկական բնաշխարհին հատուկ կենդանիների ոչնչացման եզրին հայտնվելու պատճառները և լուծման ուղիները:: Սեմինարի մասնակիցներին էնդեմիկների հիմնախնդիրը ներկայացվեց շնորհանդեսի ձևով, ինչպես նաև  բաժանվեցին, բուկլետներ: Սեմինարի մասնակիցները ողջունեցին և խրախուսեցին բնագետների  կողմից կազմակերպված սեմինարը` համարելով այն ճանաչողական և ուսուցողական ,ինչպես նաև նրանց կատարած աշխատանքը:

ԱՅՑԵԼՈՒԹՅՈՒՆ ԵՐԵՎԱՆԻ ԿԵՆԴԱՆԱԲԱՆԱԿԱՆ ԱՅԳԻ

14.03.2014թ.

Երևանի  N198 ավագ դպրոցը մասնակցում է ՅՈՒՆԵՍԿՈ–յի ծրագրերի շրջանակներում կազմակերպված ԳԻՏՈՒԹՅԱՆ ՓԱՌԱՏՈՆ մրցույթին: Մրցույթին մասնակցելու համար պատանի բնագետները պետք է առաջ քաշեն որևէ բնապահպանական խնդիր և դրա շուջ կատարեն ուսումնասիրություններ: Աշխատանքները պահանջվում է ներկայացնել շնորհանդեսի և 3-5 րոպեանոց տեսաֆիլմի ձևով:

ԵրևանիN 198 ավագ դպրոցի բնագետները ուսումնասիրելու համար ընտրեցին Երևանի կենդանաբանական այգու էնդեմիկ կենդանատեսակները, ինչի համար կենսաբանության ուսուցչուհի Մ. Ապրեսյանը և  բնագիտական հոսքի մի խումբ աշակերտներ հերթական անգամ այցելեցին կենդանաբանական այգի:Այգու տնօրինությունը սիրով համաձայնեց օգնել և աջակցել աշխատանքների կազմակերպմանը, ինչպես նաև աշխատակիցները պատրաստակամություն հայտնեցին պատասխանել էնդեմիկների վերաբերյալ աշակերտներին հետաքրքրող հարցերին:Երևանի կենդանաբանական այգում այսօր ապրում են հայկական կարմիր գրքում գրանցված էնդեմիկ թռրուններ, կաթնասուններ,սողուններ: Հայկական մուֆլոնի պահպանման և թվաքանակի ավելացման նպատակով այգին իրականացնում է նախագիծ ,որի նպատակն այդ կենդանատեսակի բազմացումն ու  բնությյան մեջ ազատ  արձակելն է :Կենսաբանական խմբակի սաները ցանկություն հայտնեցին օգնելու այդ նախագծի իրականացմանը:

Այգու աշխատակիցը շրջեց խմբի հետ այգու տարածքում, ներկայացրեց այգու էնդեմիկներին, պատմեց նրաց պահպանությանն ու պաշտպանությանն ուղղված աշխատանքների մասին: Աշխատանքները կշարունակվեն մարտի 17-ին ըստ ձեռք բերված պայմանավորվածության:

Այգու  հետ համագործակցության շրջանակներում դպրոցի բնագետները ստացան հրավեր մասնակցելու մարտի 29-ին այգում կայանալիք միջոցառմանը: Միջոցառման մասնակիցները այդ օրը կպատրաստեն թռչունների բներ իրենց ներկայացրած մակետների համապատասխան:

Երգը օգնում է սովորել

Դպրոցի 10-րդ դասարանցիները մասնակցում են իթվինինգ ծրագրի <Երգը օգնում է սովորել> նախագծին: Նախագծին մասնակցում են դպրոցներ Սլովենիայից, Հայաստանից և Իտալիայից:

Մեր աշակերտները պատրաստել են երգ, որով ներկայացնում են Հայաստանը անգլերենի այբուբենի միջոցով:

)

ԿԵՆԴԱՆԱԲԱՆԱԿԱՆ ԱՅԳԻՆԵՐԻ ԴԵՐՆ ՈՒ ՆՇԱՆԱԿՈՒԹՅՈՒՆԸ

Երևանի N 198 ավագ դպրոցի բնագիտական հոսքի 10-րդ դասարանի աշակերտները կենսաբանության խմբակի շրջանակներում իրականացրեցին  <<ԿԵՆԴԱՆԱԲԱՆԱԿԱՆ ԱՅԳԻՆԵՐԻ ԴԵՐՆ ՈՒ ՆՇԱՆԱԿՈՒԹՅՈՒՆԸ. >> նախագիծը: Աշխատանքները կազմակերպելու համար բնագետներն ուսումնասիրել են աշխարհի լավագույն կենդանաբանական այգիները, այգիների ստեղծման պատմությունը, այգիների ստեղծման պատճառները, տարբեր երկրների այգիների կենդանատեսակները, ինչպես նաև այգիների դերը անհետացող տեսակների պահպանման և նոր տեսակների ստեղծման գործում:
 Աշխատանքները պատրաստելու համար խմբակի սաներն օգտվել են
    

http://gradaran198.blogspot.com/p/blog-page_4556.html

www.google.com

www. youtube.com

1. ՀԱԿՈԲՅԱՆ ԼԻԱՆԱ  10-5 ԴԱՍԱՐԱՆ
 2. ԵՂԻԱԶԱՐՅԱՆ ՀԱՍՄԻԿ 10-5 ԴԱՍԱՐԱՆ
3. ԽԱՉԱՏՐՅԱՆ ԼՈՒՍԻՆԵ 10-5 ԴԱՍԱՐԱՆ
4.  ԽԱՉԱՏՐՅԱՆ ԼԻԼԻԹ 10-5 ԴԱՍԱՐԱՆ

5. ԱՅՎԱԶՅԱՆ ՌՈԲԵՐՏ 10-5 ԴԱՍԱՐԱՆ ՄԱՐԳԱՐՅԱՆ ՍՄԲԱՏ 10-5 ԴԱՍԱՐԱՆ    

6. ԴԱԼԼԱՔՅԱՆ ԳՈՌ
 

7. ՀԱՐՈՒԹՅՈՒՆՅԱՆ ԿԱՐԻՆԵ 10-5 ԴԱՍԱՐԱՆ

8. ԴԱՎԹՅԱՆ ԱՆԱՀԻՏ 10-5 ԴԱՍԱՐԱՆ

9. Ալինա Միքայելյան

10. ՊՐԱԶՅԱՆ ՔՐԻՍՏԻՆԵ 10-5 ԴԱՍԱՐԱՆ