Սեմինար <Դասը լսում է դասղեկը>:

    2014թ-ի մարտի 18-ին Երևանի N 198 ավագ դպրոցում անցկացվեց սեմինար <Դասը լսում է դասղեկը> թեմայով միջին և ավագ դպրոցի դասղեկների համար, որը վարում էին փոխտնօրեններ Ս. Խաչատրյանը և Ն. Հովսեփյանը:
    Սեմինարի հիմնական նպատակն էր ներկայացնել դասղեկներին ցիկլային դասալսումների կատարման ձևը և ընթացքը, ինչպես նաև այդ դասալսումների արդյունքների վերլուծության եղանակը:

Նպատակ

Պարզել դասղեկի կողմից կատարվող դասալսումների ազդեցությունը

• ուսուցչի դասավանդման արդյունավետությունը բարձրացնելու վրա,
• աշակերտնրի ուսումնական կարգապահության վրա,
• դժվարություն ունեցող աշակերտների ուսումնառության վրա,
• դասարանում <սովորող համայնքի> ձևավորման վրա:

Խնդիրներ և աշխատանքերի կազմակերպման ալգորիթմ

1. Դասղեկները կատարում են դասալսում որևէ առարկայից:
2. Դասալսումը քննարկվում է տնօրենի տեղակալների և առարկայական ՄՄ նախագահների մասնակցությամբ: Քննարկման ընթացքում բացահայտվում են այն խնդիրները, որ առաջացան ուսուցչի մոտ դասի ընթացքում և այն խնդիրները, որ առաջացան աշակերտների մոտ դասի ընթացքում: Դասղեկը և ուսուցիչը ներկայացնում են դասարանի՝ տվյալ առարկայից դժվարացող աշակերտներին:
3. Առարկայական մեթոդմիավորման նախագահը քննարկում է ուսուցչի հետ նրա դժվարությունները, ցուցաբերում մեթոդական օգնություն: Դասղեկը զրուցում է դժվարություն ունեցող աշակերտների, նրանց ծնողների հետ և առաջարկում դժվարությունները հաղթահարելու ուղիներ:
4. Հաջորդ շաբաթ նույն օրը կատարվում է նոր դասալսում նույն դասարաններում:
5. Դասալսումը քննարկվում է տնօրենի տեղակալների և առարկայական ՄՄ նախագահների մասնակցությամբ: Քննարկման ընթացքում բացահայտվում են այն խնդիրները, որ առաջացան ուսուցչի մոտ դասի ընթացքում և այն խնդիրները, որ առաջացան աշակերտների մոտ դասի ընթացքում: Քննարկվում են նախորդ դասալսման ընթացքում բացահայտված խնդիրների հաղթահարման փաստը: Դասղեկը և ուսուցիչը ներկայացնում են դասարանի՝ տվյալ առարկայից դժվարացող աշակերտների մոտ փոփոխությունների առկայությունը:
6. Հաջորդ դասին ուսուցիչը դժվարություններ ունեցող աշակերտներին՝ բանավոր կամ գրավոր ձևով, հանձնարարում է պատմել դասը կամ կատարել ինքնուրույն, գործնական աշխատանք, որի արդյունքը ցույց է տալիս նախապես կատարված աշխատանքի արդյունքը:
7. Արդյուքները քննարկվում են և անհրաժեշտության դեպքում աշխատանքները կրկնվում են սկսած սույն համարակալման 4-րդ կետից:

   Սեմինարի ընթացքում ներկայացվեց փետրվար-մարտ ամիսներին 10-րդ դասարանի դասղեկների կատարած դասալսումների ընթացքը և արդյունքները, որի հիման վրա մարտի արձակուրդներից հետո նույն սկզբունքով դասղեկները կատարելու նե դասալսումներ իրենց դասղեկական դասարաններում:Դասալսումները կատարվելու են մինչև մեկ թեմայի ավարտը, որից հետո տրվելու է թեմատիկ գրավոր աշխատանք և կատարվելու է արդյունքների վերլուծություն՝ առարկայան չափորոշիչների պահանջների համապատասխան:
  Դասղեկները կատարեցին հետևյալ քայլերը.

• Ընտրեցին մեկ առարկա,որը նրանք պետք է լսեն:
• Նշեցին դասալսման նպատակը:

Դասարաններում ընտրվեցին հետևյալ առարկաները.

    8-1   դասարան- Ֆիզիկա

    9-1   դասարան-Հանրահաշիվ

    9-2   դասարան-Անգլերեն

    10-1 դասարան-Ֆիզիկա

    10-2  դասարան-Անգլերեն

    10-3  դասարան-Ֆիզիկա

    10-6 դասարան- Հայոց պատմություն

    11-1 դասարան- Անգլերեն

    11-2 դասարան- Անգլերեն

    11-3 դասարան- Անգլերեն